Gadotakuma

chukchakchenestothemax.blogspot.com

gadotakuma — Sun, 28 Dec 2008 12:41:47 +0000

Mga kachukchak may bago na tayong tambayan! Marami na akong napost na mga reviews doon! Bisita na! Now na!

http://chukchakchenestothemax.blogspot.com

Why Why Love

gadotakuma — Mon, 20 Oct 2008 03:36:29 +0000

CHARACTERS:

Tong Jia Di (Rainie Yang)

Siya ay isang masipag na babae. Puro trabaho ang nasa isip niya. Palibhasa, siya kasi ang panganay na anak ng kanyang ina na si Liao Cai Juan. Meron din pala siyang kapatid na lalaki na si Tong Jia Hui. Namatay ang kanyang ama noong maliit pa lamang siya. Nabubuhay ang kanilang pamilya sa pamamagitan ng pagtitinda ng mga gulay sa mga kalye. Gagawin niya ang lahat para lamang mabayaran nila ang mga utang nila. Meron din siyang uncle na hindi marunong pagdating sa mga investments na kung saan nalulubog din tuloy sa utang at idinadamay pa ang pamilya ni Jia Di.

Lang outfit niya ay laging long sleeve at cute na boots. Peroang cute niya sa outfit niya ha. Bagay na bagay sa kanya ang role. Gustong-gusto ko siya.

Huo Da (Mike He)

Ang rebeldeng bunsong anak ng may-ari ng Huo Company. May nickname din siyang devil boy dahil na rin sa kanyang napakalupit na ugali. Mahal ni Huo Da si yan Shu pero mahal ni Yan Shu si Huo Yan. Oh pag-ibig nga naman, sadyang mapaglaro! Gustong-gusto niyang asar-asarin at api-apihin si Jia Di pero dahil sa mabuting kalooban ni Jia Di, nainlab siya dito. At hayun, na-inlab na rin ata si Jia Di sa kanya ngunit nagkaroon siya ng Wilson’s Disease at ayaw niya itong sabihin kay Jia Di dahil paniguradong malulungkot ito.

Crush ko siya. Gusto ko yaong acting niya pabad-boy tsenes-tsenelyn.

Huo Yan (Kingone Wang)

Siya ang panganay naman na anak ng may-ari ng Huo Company. Siya ay isang general manager ng kanilang kompanya. Kung si Huo Da ay napakakulit na lalaki, itong si Huo Yan ay napakabait. Nakilala din siya sa pangalan na “10^th guy”. May malungkot na pangyayari sa buhay si Huo Yan noong bata siya. Ito ay dahil umano binenta siya ng kanyang ina sa pamilya ng Huo dahil hindi niya kayang pagalingin ang sakit nito sa puso. Kaya, naiinis siya sa nanay niya at kinasusuklam niya ito. Pero sa pagkamatay ng kanyang ina, naayos din ang lahat.

Summary:

Mahirap lang kasi itong si Tong Jia Di at kasalukuyan pa ring nag-aaral sa kolehiyo kung kaya’t kinakailangan niyang maghanapbuhay para may pambayad sa utang nila at maipagpatuloy pa rin ang pag-aaral. Dito naman lumitaw ang kanyang matalik na kaibigan na si Xiao Nan na kung saan nais niyang mainlab naman umano itong si Tong Jia Di. Dahil dito, sinet up niya si Jia Di sa pamamagitan ng pagbebenta ng mga exchange coupons sa carnival. May dalawang kahon doon at bubunot ka ng exchange coupons sa isa sa mga kahon. Dahil sa bunutan na ito, nakilala niya ang dalawang anak na lalaki ng may-ari ng Huo Company, sina Huo Yan at Huo Dan na kapwa bumili ng exchange coupons mula kay Jia Di.

Noong 20^th birthday niya, nagwish itong si Xiao Nan na kung sinuman ang magiging tenth guy na dadaan ay hihingan niya ng phone number. Nagkataon namang may bet ang magkapatid na karera sa motorsiklo. Sa kasamaang palad, naaksidente ang dalawa at nagkafracture ang kanilang kamay at paa.

Then hindi ko na maalala kung paano na napunta itong si Jia Di sa hospital kung saan nakaadmit ang dalawang lalaki. Basta nagkita ang tatlo sa hospital at kinukuha niya ang phone number ni Huo Yan dahil siya umano ang 10^th guy. Binigay naman ni Huo Yan ang kanyang number. Ngunit, napagtripan ata ang number ni Huo Yan at nakalagay sa isang ewan na website. Dahil dito, nagalit si Huo Yan at ayaw na niyang paniwalaan si Jia Di. Pero, hayun naayos pa rin naman ang problema nila at nagbati uli.

Ang pagkairita ni Huo Da kay Jia Di ay nagbago pagkatapos magawa ni Jia Di ang kanyang role sa angel-owner na service coupon na binili umano ni Huo Da. Ginawa niyang katu-katulong si Jia Di dahil itong si Huo Da ay hindi makalakad dahil sa aksidente. Habang tumatagal ang kanilang pagsasama sa bahay ni Huo Da dahil katulong nga itong si Jia Di, hayun at nainlab na ata itong si Huo Da kay Jia Di. Pero ang mas malupit eh pati si Huo Yan ay inlababo na rin kay Jia Di. Dahil inlab na nga sila sa kanya, gagawin nila ang lahat mapunta lamang sa kanila si Jia Di.

Noong una, mas gusto ni Jia Di si Huo Yan pero bigla-biglang nagbago ang ihip ng hangin at tila inlab na siya kay Huo Da. At kung ano ang rason ay nakalimutan ko na basta panoorin niyo na lang.

Lumipas ang panahon, si Huo Da ay nagkaroon ng Wilson’s Disease at namamatay na. Pinili niya na huwag itong sabihin kahit kanino except kay Yan Shu. Pero nalaman din ni Jia Di at sinabing kailangan niyang mabuhay para sa kanilang pagmamahalan (Hayan na ang mga banat!).

Bilang kapatid, naghahanap itong si Huo Yan ng paraan para mapagaling si Huo Da. Nalaman niya na kailangan pala ni Huo Da ng liver donation at tanging siya lamang ang makakapagbigay nito. Pumayag naman si Huo Yan kahit na may problema ito sa puso.

Akala ko patay na itong si Huo Da. Pero hayun hindi pala. Successful ang operasyon at hayun buhay na buhay. Kaya ito ay happy ending pa rin.

MGA BANAT:

“If I said it three times, it means that’s true” – Jia Di and Hou Da

“This is your circle, and I, the Devil Boy wants to come in” – Hou Da

“I can exchange lots of coupons if you just stay by my side” – Hou Da

“If there are a hundred things I hate about you, they will, quickly turn into the hundred things I love the most” – Jia Di

“I am the only person on this earth with the power and the capability to give you a liver, this only proves one point, that in this earth, I am you brother” – Hou Yan

CONCLUSION:

Kung gusto niya kiligin, okey na okey ang palabas na ito!

Kung gusto niyo matawa, panoorin mo to!

Kung gusto mo maiyak, oo nakakaiyak din ang series na ito. Pucha! Nakakaiyak talaga! Lalo na sa bandang huli. Nyemes!

Basta maganda ang palabas na ito! Gustong-gusto ko ang loveteam ng dalawa! Okey na okey sa olryt!

—-Maraming salamat sa Google para sa mga larawan—

Hello! My lady

gadotakuma — Sat, 18 Oct 2008 10:31:47 +0000

Pagkatapos ng isang araw na pagpupuyat at 3 oras lamang na pagtulog at pag-init ng pwet sa kakaupo, natapos ko din ang panonood ng Hello, My Lady! Aba’y akalain mong natapos ko iyon ng dalawang araw hindi iyon biro ah! Tv series kasi siya eh kaya ganoon na lang katagal. 15 episodes ito at bawat eksena nama’y kapana-panabik. Nagsimula akong panoorin ito noong Huwebes ng alas otso y medya ng gabi at itinigil ko ng pasado alas kwatro ng umaga, walang tigil. Nagising ako ng ng alas syete ng umaga para ipagpatuloy ang panonood. Pagkatapos ay muli akong tumigil ng alas sais ng hapon dahil maliligo rin naman ako. Pagkatapos alas syete ng gabi, itinuloy muli ang ligaya hanggang alas diyes. At sa wakas, natapos ko ito na kuntento at may ngiti sa aking mga labi. (Aw ang korni!)

Ito ang istorya, overview lang ah:“Lee Su-ha (played by Lee Da-hae) inherited the historical home, Hwa Ahn Dang, of the Je-an Lee clan after her father left for Seoul with another woman years ago and her mother died last year of stomach cancer. That is when her dual life began as the head of the nearly-ruined clan as she refused to give up on the Hwa Ahn Dang. But one day she meets Hwang Dong-kyu (played by Lee Ji-hoon), who asks her to sell the Hwa Ahn Dang to him by any means. Dong-kyu is the grand son of a servant who 50 years ago ran away from the Hwa Ahn Dang after stealing its cow and a bale of rice. But after much bickering, Su-ha and Dong-kyu end up falling in love with each other.”

Dahil sa panonood ko sa koreanovela na ito natuto ako ng ilang salitang korean pero yaong mga simple lang ang bilis kasi nilang magsalita:

huahua – flower
yeye – lolo
nana – lola
ayie – aunt

Mahaba-habang koreanovela rin ito. Yaonng ibang parte nga lang eh medyo boring. Pero ang karamiha’y kapana-panabik. Hindi ko maikwento ito eh. Hekhek!

Grabe ang cute talaga! Panoorin niyo rin ng masiyahan din kayo! Wakekekek!

Yakitate Japan

gadotakuma — Sat, 18 Oct 2008 10:24:08 +0000

Mahilig ka ba sa tinapay? Nagtataka ka ba kung paano nila ito nagagawa? Ang anime na tungkol sa tinapay ang maaaring maging kasagutan sa inyong mga tanong. Kaya panoorin mo na rin siya habang maini-init pa.

Pumunta ako ng Baguio noong October 24, 2007 para mag-enroll at maging walang kwentang inhinyerang kolehiya muli ng naturang unibersidad. Pagkatapos ng enrolment, nagpasama ako dito kay ex-blockmate sa pagbili ng pirating dvd dahil hindi ko naman afford ang mga original. Basta ang mahalaga, mabili ko ang mga dvds na matagl ko ng pinapangarap na mapanood. Naglakad kami sa session road at doon ko nakita ang isang store na punong-puno ng dvds na pirata. Tuwang-tuwa talaga ako nakita ko, halos mapawow ako sa saya dahil marami talaga akong mapagpipilian. Pero, dahil nga sa dami, hindi ko alam kung ano ang pipiliin ko. Gusto ko kasi yaong complete series na. Eh yung EYESHIELD 21 hindi pa complete kaya hindi ko muna binili. Ayoko kasi ng nabibitin sa panonood eh. Baka mapanaginipan ko pa! Kaya binili ko na lang yaong YAKITATE JAPAN.

Ito ha, overview lang niya pero kung sinipag ako magtype baka maikwento ko na rin sa inyo ng buong-buo. Pero, malabo iyan mangyari, tamad ako, kaya huwag ka ng umasa.

“May English Bread, German Bread, at French Bread, pero bakit walang Japanese Bread? Kung ganoon, wala nang ibang paraan kundi ang likhain ito. Ang kuwentong ito’y seryoso, talambuhay ng isang batang nagtataglay ng Solar Hands, si Kazuma Azuma. Siya ang lilikha ng Japanese bread, o ng “Japan”, para sa Japan at para sa mga Hapones na maipagmamalaki sa buong mundo. Magagawa niya kaya ito?. “

Ang istorya ay nakapokus kay Kazuma, Azuma (ano bang pangalan iyan, hindi man lang pinag-isipan. Inalis lang yaong letter K sa apelyido!), ang batang nangangarap na magawa ang perpek tinapay “Ja-pan”. Ano ba itong Ja-pan? Ang Ja-pan raw na ito ang magiging national bread ng bansang Japan kasi diba yaong iba may French Bread, Hongkong Bread, Italin Bread, German Bread at kung anu-ano pang bread (Eh bakit tayo walang national bread? Wala man lang bang magsasayang ng oras para gumawa niyan?). Para daw mas lalo siyang gumaling sa paggawa ng tinapay at tuluyang malikha ang kanyang inaasam-asam na Ja-pan, pumunta siya ng Tokyo kung saan papasok siya bilang baker sa Pantasia (isang sikat na bakery shop). Pero, hindi siya agad-agad na makakapasok ng ganun-ganun lang sa Pantasia dahil may pa-audi-audition pa kasi silang nalalaman. Pero, huwag ka! Matindi ang prizes kung nanalo ka bilang 1^st place. Pwede kang magtrabaho sa Main Branch nila, tapos tumataginting na Isang Milyong yen at pwede ka pang mag-aral sa France tungkol sa paggawa ng anu pa? eh di tinapay. At kasabay ng pag-aaral mo sa France, makikicontest ka na rin sa Monaco Cup (international na yan mga dudz!). Sa tingin niyo, makakaabot kaya si Azuma Kazuma sa international? Pwes, eh di panoorin mo.

At kung saka-sakali na gusto niyong panoorin ang anime na ito, at para hindi naman kayo masyadong malito sa mga characters, heto’t bibigyan ko kayo ng kaunting silip tungkol sa kanila:

1. KAZUMA AZUMA – Siyempre, siya yaong bidang bobo na henyo. May solar hands siyang taglay (kung anuman iyang solar hands na iyan, aba’y panoorin mo na lang!). Pero, hayuf sa kagalingan sa paggawa ng tinapay. Lalo na iyang Ja-pan na iyan.

2. KYOUSUKE KAWACHI – ang dakilang sidekick ni Azuma. Kung sa kaalaman rin lang naman, mas nakakahigit naman itong ito Kawachi pero sa paggawa ng tinapay wala naman siyang binatbat kay Azuma. Kung si Azuma may solar hands, siya may solar gauntlets at ang kanyang stylish kuno an buhok. Papalit-palit ng style.

3. KAI SUWABARA – Siya yaong may bandana na color blue sa ulo. Medyo seryoso siyang bread artisan at henyo sa paghawak ng swords. Pero kahit seryosong-seryoso yan, takte naunahan niya pa sila Kawachi sa mga chikababes dahil nainlababo siya sa kanyang kalaban na nagsuot ng two piece noong Monaco Cup Finals.

4. SHIGERU KANMURI – Siya yaong kulay fenk ang buhok. At sosyal at to the max ang galing dahil naggraduate siya sa Harvard University at the age of 16. Gaya ni Azuma, may solar hands din siyang taglay.

5. TSUKINO AZUSAGAWA – Siya ang apo ng may-ari ng Pantasia. Sa kanya painahawak ang Southern Tokyo Branch ng Pantasia (maliit lang iyan na branch). May gusto siya kay Azuma. Sa kantunayan, ang suot na headband ni Azuma na color fenk ay bigay ni Tsukino.

6. KEN MATSUSHIRO – Siya ang manager ng Southern Tokyo Branch. Siya yaong afro ang buhok. Madali lang siya i-identify, swear! Lagi niya kinakawawa si Kawachi pero iyon ay para bigyan siya ng advices.

At para hindi naman kayo masyadong ma-igno, magbibigay lang ako ng kaunting info:

Yakitate – ibig sabihin niyan “freshly baked”
Six years old nang naunang natuto itong si Azuma na gumawa ng tinapay at iyon ay para sa kanyang lolo na ayaw ng tinapay.
Huwag kang magtaka kung yaong tumitikim ng mga tinapay ni Azuma at kung sinu-sino pang mga bread artisan ay nagkakaroon ng napaka-exaggerated na reaction.
Lahat ng pinagsasabi nila sa paggawa ng tinapay ay totoo na pwede mong magawa sa totoong buhay dahil ang writer ay nagtanong pa talaga sa eksperto para magawa ang naturang manga at anime.

Natutuwa talaga ako sa palabas na ito kasi puro tinapay lahat at nakakagutom. Takte! Masaya maging judge sa ganitong competition. Minsa’y gusto ko na rin gumawa ng tinapay at mag-experiment din gaya ni Azuma. Pero hindi ako makakagawa at paano naman ako makakagawa eh wala naman kaming oven. Pero, sa Yakitate Japan nakagawa si Azuma ng tinapay na hindi niya binake sa oven kundi sa rice cooker. Comeon! May pag-asa pa ako! Wakekekek! At kung ako, gagawa ng tinapay, gagayahin ko rin itong si Azuma. Gagawa rinako ng pambansang tinapay ng Pinas at tatawagin ko itong “Pinoy Bread ala Eloiski”. Nyahahahaha!

Coffee Prince

gadotakuma — Sat, 18 Oct 2008 10:22:04 +0000

Natapos ko ang Coffee Prince sa loob lamang dalawang araw. Hindi na masama dahil yaong ibang dvds na pirata dito sa bahay eh hindi ko pa rin natatapos. Ganyan siguro ang epekto lalo na’t desidido at determinado ka talagang manood ng isang koreanovela na gustong-gusto mo. Para sabihin ko pala sa inyong lahat eh isa pala akong dakilang adik ng mga koreanovela. Isa iyan sa mga paborito ko sa buhay.

Hala! Bago pa man ako makagawa ng isang nobela dito’y aba’y uumpisahan ko ng isalitype ang kwentong Coffee Prince. Hanggang last na itong isusulat ko ha. Harharhar! Spoiler! Weee!

Characters:

Gong Yoo – Arthur Choi

Yoon Eun Hye – Andy Go

Lee Sun Gyun – Errol Choi

Chae Jung Ahn – Arlene Han

Ang buhay ni Andy ay hindi ganoon kadali kung kaya’t nagtatrabaho siya ng todo todo. May oras para sa kanyang pagiging taekwondo teacher, meron din para magdeliver ng kung anong food iyon, magtahi ng mata ng mga dolls, magbalat ng mga chest nuts (Oha! Hindi ka kaya mamatay at sumuko sa ganyang buhay!) para mabayaran ang kanilang utang. Dahil diyan, para bang tuluyan na niyang kinalimutan ang kanyang pagiging babae. Sa kabilang banda naman, nariyan si Artur Choi na isang tagapagmana ng napakalaking food company. Pero itong kanyang lola, gusto siyang magpakasal na baka saka-sakaling tumino itong si Arthur. Nag-arrange na nga itong kanyang lola para lamang mahanap na niya ang babae ng kanyang buhay. Pagkatapos na mabangga nitong si Arthur si Andy, napagdesisyunan niyang ihire si Andy bilang gay lover nito para makaiwas sa anumang arranged dates na pakana ng kanyang lola. Yaong lola pala nitong si Arthur eh ginawa pa siyang manager sa isang sira-sira at malapit nang mabankrupt na coffee shop. May nagpapatakbo talaga doon sa coffee shop na iyo at iyon ay walang iba kundi si Mr. Hong. Kumbaga itong si Arthur eh tutulong na palaguing muli ang coffee shop dahil kung hindi kukunin ng kanyang lola ang apartment nito at ang kanyang kotseng napakagara to death. Kaya, ito namang si Andy, nagmakaawa kay Arthur na gusto niyang magtrabaho sa coffee shop. At syempre pumayag naman itong si Arthur. At lumipas ang panahon nagkainlaban silang dalawa na ang alam nitong si Arthur eh lalaki pa rin si Andy. Dumating pa nga sa punto na iniiwasan na niya si Andy dahil parang nagdududa na siya sa sarili niyang kasarian. Pero, dumating din ang panahon na nalaman nitong si Arthur ang tunay na katauhan ni Andy, na isa siyang babae dahil sa madaldal na bunganga ni Baldo at ang pesteng bunganga ng bestfriend niya kuno. At doon, sinesante nitong si Arthur si Andy dahil sa kanyang kasinungalingan at pagpapahirap niya dito para pigilan ang kanyang sarili na mahalin si Andy. Eh di ayon! Lagi ng tulala si Arthur gayundin si Andy. Isang gabi, pauwi na ata si Andy dala-dala ang kanyang bike mula sa pagbebenta ng chest nuts. Dahil nga tulala siya, hindi niya namalayan na nakabukas pala ang lalagyan ng chest nuts at unti-unting nahulog ang mga ito mula sa lalagyan. Pero, napansin din niya at kinuha niya ang mga ito. Sa kabilang banda, napansin nitong si Arthur ang mga chest nuts na nahulog at kanyang sinundan. Pinulot na rin niya ah. Tapos nagakabungguan silang dalawa habang pinupulot ang mga chest nuts. At iyon, nag-usap na sila at nagkabati. Umupo silang dalawa sa bench at sinabi ni Arthur na napakasaya niya sapagkat babae pala itng si Andy. Ngayon, nagbabalak silang dalawa na magpakasal. Hindi muan sumang-ayon itong si Andy dahil nais niya munang makamit ang kanyang pangarap bilang isang coffee master. Itong si Arthur naman sinabi niya na magpapaksasal na siya at ang babaeng kanyang pakakasalan ay walang iba kundi si Andy. Gulat naman to death itong si lola at hindi siya pumayag dahil daw sa background ng family nito. Dahil daw sa kanyang hitsura at baka habol lang nito ay pera. Buti na lang kinausap nitong si Mr. Hong (alam na niya noong una pa man na babae si Andy) si Lola at tila naenlighten ang ating lola. At doon, binigyan niya ng visa papuntang Italy itong si Andy para makamit niya agad ang pangarap nito at makapagpakasal silang agad ni Arthur. Bale, imbes na five years bago sila magpakasal eh 2 years na lang. So, ayun noong una ayaw pumayag nitong si Arthur. Pero nang naglaon pumayag din. At after 2 years, naging coffee master nga at naging coffee king na ang coffee shop. Dumating na rin sa wakas si Andy na hanggang balikat na ang buhok. At ang outfit, huwaw babaeng babae na. Oh yeaH! At iyan na ang ending.

Wakekeke! Andami kong inalis na ibang eksena. Ni hindi ko na nga nailagay itong sila errol at Arlene. Harharhar!. Nakakatamad kaya magtype! Amfuffufu!

Noong December ko pa nga ito natapos. Ngayon lang ako ginanahan na magtype at ilagay na ang summary ng kwentong ito. Hahaha!

Sana maintindihan niyo ang summary dahil rush na lang talaga iyan mga kapatid kong koreanovela lovers.

Ngapala, nitong nakaraang buwan, masyado na akong nahuhumaling sa kape. Kung kaya’t dahil diyan binansagan ko na ang aking sarili bilang prinsesa ng kape. Pero huwagka! Ang aking boardmate na si eden naman ang reyna ng kape dahil mas adik pa iyon kaysa sa akin.

Hana Kimi (Japanese Version)

gadotakuma — Sat, 18 Oct 2008 10:17:53 +0000

Nakatapos na naman uli ako ng isang serye ng asianovela. Ipapalabas pa lang ito sa GMA-7 pero inunahan ko na sila at tinapos ko na ito agad. At hayun. Natapos ko within 2 days. Ang ABS-CBN may Hana Kimi (Taiwanese) rin na kung saan nandoon si Wu Chun na napakawafu wafu. Pero mas pinili ko pa rin yaong sa Japanese version kasi mas cute yaong babae. Hindi ko kasi feel yaong babae sa ABS, mukha na talagang lalaki at saka ang taba-taba pa. Argh! Kaya, pinili ko talaga ang Hana Kimi Japanese version. Ito ha, kwento ko sa inyo!

HANA KIMI (JAPANESE VERSION)

Cast:

Mizuki Ashiya – Siya ang bida sa kwento. Siya ang babaeng nagpanggap na lalaki para makasama ang kanyang idol na si Sano at dahil na rin sa guilt. Isa rin siyang mabilis na runner dahil na rin sa impluwensya ng kanyang kuya.
Izumi Sano – Kilala rin bilang kissing monster kasi kapag lasing siya hinahalikan niya kahit sino. Kahit lalaki pa yan. Iyan ang high jumper na dahilan para bumalik si Mizuki sa Japan mula USA.
Shuichi Nakatsu – Itong lalaking ito eh magaling naman sa soccer. Nainlababo siya kay Mizuki kahit alam niya na lalaki ito. How sweet!

*Sila lang ang babanggitin ko dahil parang sila lang naman ang nabanggit ko sa aking summary eh.

Summary (spoiler):

Ang istorya ay nagsimula sa isang babae na nagngangalang Ashiya Mizuki na nakatira sa Amerika ngunit pinili munang manirahan sa Japan dahil mayroon siyang idol na atleta na nagngangalang Sano Izumi. Sa kasamaang palad, nag-aaral pala ang lalaking ito sa all boys school. Kung kaya’t para mapalapit sa kanyang idol, nagpanggap siyang lalaki. Hindi ganoon kadali ang naging buhay niya sa eskwelahang iyon sapagkat unang klase pa lamang ay nagsungit agad itong si Sano sa kanya (kung ano ang dahilan? panoorin mo na lang!). Sa Room 205 ang kanyang magiging kwarto nangangahulugan lamang na magiging karoommate niya si Sano. Eh di siya syempre nyerbyos to the max ang ating bida pero nandoon pa rin ang saya (ang gulo!). Hindi rin naglaon nalaman din ni Sano na babae itong si Mizuki dahil narinig niya ang conversation ni Mizuki at ang kuya niya sa Room 205. Binisita o should I say gusto na kasing iuwi nitong si Kuya ang kanyang little sister na si Mizuki eh kaso ayaw naman niya. Sinabi niya na siya ang dahilan kung bakit nagquit itong si Sano sa high jump (kung paano nangyari iyon? mahabang kwento!). Ang hindi alam ni Mizuki, alam na rin pala nung doktor ng Osaka High ang tungkol sa kanyang identity. Pero, syempre sa tingin mo sasabihin nila agad na babae siya, of course not. Kaya quiet lang sila. Sa pagpapatuloy ng istorya, si Sano ay unti-unti na ring naiinlab kay Mizuki at ganoon rin si Mizuki kay Sano. Pero, ayan may love triangle dahil si Nakatsu ay nainlab na rin kay Mizuki kahit lam niyang lalaki kuno daw ito. Pero sa bandang huli nalaman din ni Nakatsu na babae itong si Mizuki. Paano nangyari? Iyon ay dahil habang naliligo itong si Mizuki, pumasok si Nakatsu sa banyo eh hindi naman kasi sila dapat naglolock ng mga bathroom dahil lalaki naman sila lahat. Nakita niya si Mizuki na ayon nga babae pala ito. Eh di mas lalong tumindi ang kanyang pagmamahal kay Mizuki lalo pa’t alam niyang babae pala ito. Dahil doon, ayaw magpatalo nila Sano at Nakatsu sa isa’t isa. Eh di may laban laban chuva na doon sa high jump, naiwan pala nitong si Sano yaong lucky charm niya. Nagpresinta na lang itong si Mizuki na kukunin niya. Sabi ni Sano na hawakan na lang iyon ni MIzuki para sa kanya. Unang try ni Sano, bagsak! Ikalawang try, wala pa rin. At ikatlong try na kung saan sumigaw na si Mizuki at nag-advise, natalon na rin niya sa wakas. At nanalo siya ng 2nd place. Ahoooo!!! Nga pala, nagpropose pala itong si Nakatsu tungkol sa kanyang feeling para kay Mizuki. Nireject siya ni Mizuki kaya iyak iyak moment siya. Akala nila tapos na ang lahat, pero hindi pa pala dahil may nakakuha sa wallet ni Mizuki na kung saan nakalagay ang kanyang passport. nahulog niya pala ito habang tumatakbo at nabangga siya ng leader ng St Blossom. Sa minalas malas, gagamitin pa ata iyon na pangblackmail. Pero mabit din pala itong si leader kaya binigay niya rin. Pero huli na pala ang lahat dahil nalaman na rin ng buong dorm ang kanyang tunay na identity. How sad. Noong una, asar na asar sila sa kanya, pero nagtagal eh tinanggap na rin siya at binalik ulit ang dati. Sa huli, ayun may goodbye goodbye tsenes na nangyari. Hinatid ni Sano si Mizuki sa airport. After 2 months ata iyon, may natanggap na newspaper si Mizuki na kung saan pupunta raw ang buong DORM 1, DORM 2 at DORM 3 sa Amerika. At that’s the end

*Kung kayo po ay naguluhan sa story ko o sa summary ko, pwes mas lalo akong naguluhan sa pinaggagawa ko. Nahihilo rin ako. hahaha!!! Ah basta! Iyan nga ang gusto ko eh. Magulo kasi isip ko kaya magulo rin ang entry ko. Owkei! Amp!

Cooking Master Boy (Lutong Anime)

gadotakuma — Sat, 18 Oct 2008 10:08:38 +0000

Ano nga ba ang Cooking Master Boy na ito? Oh well face towel, isa lang naman ito sa mga Anime na sadyang patok sa akin. Bakit hindi? Eh foods yan tol, foods. Ang kwento ay tungkol sa pagluto ng Chinese cuisine. Hayuf! Nakakatomjones ang palabas na ito. Akalain mong takam na takam sila sa luto ng ating bida. At ang kakaibang reaksyon nila anakngmalandingkambing wapak! sa exaggeration.

SETTING:

Ang istorya ay malamang sa malamang ginanap sa China (saan pa nga ba?). Ang bansang Tsina ay may apat na pangunahing rehiyon: Beijing (Olympics!), Szechuan, Shanghai at Guandong. Hindi ako familiar sa mga ibang rehiyon ng China. Sa mga nabanggit, Beijing lang ang nakatatak sa utak ko.

SUMMARY:

Nagsimula ang istorya na kung saan si Mao, ang ating bida, ay nakipagtagisan kay Shouan, ang masamang disipulo ng nanay ni Mao. Muntik na sanang mapasakamay ni Shouan ang kanilang restaurant kung hindi dahil kay Mao na napakagaling pala sa pagluluto. Iyon ang kauna-unahang pagkapanalo niya sa pagululuto. At dahil doon, pinunta ni General Lee si Mao sa Guangdong upang doon magtraining. Kailangan niya ng training para makuha ang titulong SUPER CHEF. Kapag super chef ka kasi, malamang sa malamang na magaling ka talaga. Sa Guangdong niya nakilala si Mei Li, ang kaibigan kuno niya at sa paglipas ng panahon eh nagiging lover na niya. Hayan at may lab story pang nalalaman si Mao. Doon niya rin nakilala si Master Ruoh at Master Chouyo (nakikimaster!) na pawang mga Super Chef. Dahil sa pagkapanalo niya sa contest ng dumplings at nalaman ni General Lee ang tungkol dito, isinabak na siya ngayon sa contest naa pagiging Super Chef. Nakasali siya sa maswerteng lima. Hanggang sa naging apat, tatlo at dalawa nalang sila ni Fei ang natira. Dahil magaling silang dalawa, hayun sinabing Super Chef na sila. At dito na nagsimula ang pakikipagsapalaran ni Mao upang palawakin pa ang kanyang kakayahan. Sa kanyang paglalakbay, kasama niya sila Meili, Shirou, Leon at Shell (Kung nais mong malaman kung sino sila, basahin mo na lang yaong mga characters ko!). At nalaman rin nila sa pagkakataong iyon ang tungkol sa Legendary Cooking Utensils na dapat nilang makuhang lahat at huwag na huwag man lamang ipahawak sa kamay ng Dark Cooking Society. Kung ano ang dark cooking society, i’ll explain it later. Nahanap na nila ang tatlong utensils. Ngunit, kailangan muna nilang ihinto pansamantala ang paghahanap sapagkat ang Beijing ay nanganganib na mapasakamay ng Dark Cooking Society. Dito kasi nakatira ang ating emperor. Hindi dapat mapunta sa Dark Cooking Society ang pagiging head chef ng emperor dahil kung hindi, baka makontrol na rin nila ang buong Tsina. Kaya, may nangyari na namang tagisan at ang kanyang kalaban pala ay si Fei na napakabait sa kanya noong Super Chef cooking contest. Kaya, ganoon na lamang ang kanyang pagtataka. Nagcontest at hayun syempre sino pa nga ba ang mananalo kung hindi sila Mao. At doon niya nalaman na hindi naman talaga kagustuhan ni Fei na maging miyembro ng Dark Cooking Society. Iyon ay dahil may ipinakain kasi sa kanya. Kaya itong si Mao nagluto na naman ng kanyng foodness at ipanakain kay Fei. Ayun, biglang gumaling si Fei at bumalik uli sa pagiging mabait. Dahil miyembro nga ng Dark Cooking Society si Feiat natalo pa siya, bilang parusa ayun sasamahan na raw niya sila Mao sa paglalakbay upang hanapin ang iba pang utensils. Bale si Mao, Mei Li, Shirou, Leon, Shell at Fei ay sama-sama sa Paglalakbay. Hanggang doon lang naman na. Bitin yaong ending mga tol. Asar nga eh. Wala pa atang katuloy. Hanggang episode 52 lang ata.

DARK COOKING SOCIETY

Ang Dark Cooking Society ay isang organisasyon na may layuning kontrolian ang buong Tsina sa pamamagitan ng pagluluto. Kahit na sila’y may malakas na impluwensya at kapangyarihan sa halos iba’t ibang panig ng Tsina, kinakailangan pa rin daw nilang kunin ang walong legendary cooking utensils upang maagkaroon sila ng mas malakas na kapangyarihan. Gagawin nila lahat para lamang sila’y manalo. Pandaraya o di kaya’y pumatay ng tao ay game na game sila. Sila ay may tinatawag na Dark Cooking Techniques na kung saan tanging miyembro at mga nakalaban lamang nito ang nakakaalam.

LEGENDARY COOKING UTENSILS

Noong ancient times, may meteor daw na hulog mula sa kalangitan at ang nakahanap ay Master Chef Shui Lei. Gumawa siya ng walong utensils gamit ang meteor. Napakapowerful ng ginawa niyang utensils kung kaya’t inilagay niya ito sa bawat sulok ng Tsina upang hindi ito pag-awayan. Tatlo pa lang ang nakikita or i mean pinakita sa palabas nalegendary cooking utensils. Ito ay ang:

Ever-Soul Knife - Ito ay nakatago sa Big Angellic Temple hanggang sa nahanp ang tunay na successor nito na si Mao. At hindi lang si Mao, kung hindi pati na rin si Leon. Kahit na ito’y nakatago ng mahabang panahon, wala kang makikitang kalawang mula dito. Kapag hinawakan ito ng successor, lumalabas yaong dragon na simbolo. May kakayahan itong gawing sariwa ang isang ingredients kahit na nareach na nito ang Expiration Date. Ngunit, ninakaw ito ng isang miyembro ng Dark Cooking Society pero hindi siya nagtagumpay. Kaya sinasaksak niya ang sarili gamit ang kutsilyong ito. Dahil dito, nawalan ito ng bisa at kapangyarihan. Pero, bumalik uli ito sa dati ng mag-isa upang tulungan si Fei noong last battle sa pagiging head chef.
Coiled Dragon Pot – Ito ang kauna-unahang nahanap nila Mao at ng kanyang kasama na Legendary Cooking Utensil. Pagkatapos nilang pagsamahin ang dalawang mapa, nalaman nilang ito’y nakatago sa Shanghai. Ito ay nakatago sa isang lugar na wala man lang caretaker. Noong una’y, mukha itong kinalawang na pot. Pero nang hinawakan ni Mao, lumabas ang tunay na hitsura nito. May kapangyarihan itong mapabilis ang fermentation.
Holy Copperware – Ito ay natagpuan sa Jiu Hua Mountain. Ngunit ito’y nasa kamay ng isang pangit at maliit na lalaki na nakasakay sa elepante. Siya’y walang iba kundi si Shan Yui. Ginamit niya ang holy copperware na ito upang makakuha daw ng donasyon. Isa daw kasi siyang God. Pero, hindi naman talaga. Kaya, itong si Mao, Mei Li at Shirou ay nagpanggap na god at chinallange nila si Shan Yui. Syempre talo yaong pangit na yun. Ang galing kasi ng taktika na naisip ni Mao. Ito ay may kapangyarihan na mapalambot agad ang mga tuyong sangkap tulad ng abalone.

CHARACTERS

1. Liu Mao Hsing - Siya ang 13 year old na bida sa kwento. Siya’y lumaki sa kusina na kung saan kanyang pinapanood ang kanyang ina na nagluluto para sa kanilang restaurant. Dahil dito, natutunan niya ang iba’t ibang mga taktika sa pagluluto at gaya ng kanyang ina, minahal na rin niya ang pagluluto. Siya rin ang pinakabatang Super Chef in the history. May kakaibang taglay si Mao na taste bud na kung saan nalalaman niya ang naaalala ang bawat sangkap.
1. Mei Li - Ang 16-year old na anak ni Chouyu. Nainlababo siya kay Mao dahil sa taglay nitong kagalingan sa pagluluto. Lagi siyang nasa tabi ni Mao lalo na sa pagluluto.
2. Zhi Lao (Shirou) – Ang napakakulit na 12 year old na bata na disipulo umano ni Mao. Nagpanggap siyang siya daw ang pinakabatang super chef. At iyon ay sinabi pa niya mismo kay Super Chef na totoo na walang iba kundi si Mao. Hindi naman talaga siya kagalingan pagdating sa pagluluto.
3. Xi Er (Shell) – Ang dim sum master mula sa San Sei. Siya ay tinatawag ding “Steel Staff Shell”. Hinamon niya si Mao sa paggawa ng dim sum. At ayun natalo pa rin siya ni Mao. Naging kasa-kasama na niya ito sa paglalakbay at pagluluto.
4. Li Wen (Leon) – Siya ang may-ari ng Seven Star Knives. At ayun, naglaban ang dalawa (Mao at Leon). At gaya ng dati, si Mao na naman ang nanalo. Ektwelli, silang dalawa ang successor ng Ever-Soul Knife.
5. Sanche - 14 year old mula sa Shanghai na isang fourth level chef lamang sa Yang Spring Restaurant. Inis na inis siya kay Mao dahil magaling kasi ito. Pero, hindi nila alam na may angking kagalingan din itong si Sanche, nagkaroon nga lang ng takot. May tradisyon kasi na kung may bagong dadating, may aalis at iyon ay si Sanche. Noong una’y gusto na niyang magquit bilang chef pero inencourage siya ni Mao at sila’y nagtrabahong dalawa. Ayun, nakabalik na rin siya Yang Spring. At confident na siya uli.
6. Lan Fei Hong – Ang wafung 16 year old chef. Siya yaong kaparehas ni Mao na magaling sa pagluluto kaya silang dalawa eh naging Super Chef. Nagkita nga silang muli pero this time naging masama si Fei dahil naging miyembro ito ng dark Cooking Society. Blah blah. Naging mabait uli. Paano? basahin mo yung summary sa taas.
7. Pai - Ang nanay ni Mao na magaling na magaling sa pagluluto. Siya ang nagsilbing inspirasyon ni Mao.

Minor Characters:

Chouyu
Ruoh
Shouan
General Lee
Karin – sister ni Mao.

Ayaw ko na silang iintroduce. Nitatamad na ako. Panoorin niyo na lang rin. Hekhek. Katamad eh. Basta ang masasabi ko lang ang ganda nito at masayang maging judge ng cooking contest. Amp!